Sex-Y gellur

!

Wed, 09 Jul 2008 02:17:25 GMT

Besta afmælisgjöfin: Ég komst inn i lækninn!!
Mig langar að bjóða ykkur stöllunum í kokteil heima hjá mér á grettó næsta laugardag kl. 21. Be there or be square!

ég gleymdi að nefna það að strákar eru velkomnir.

Jájá, allir að flytja bra...

Thu, 19 Jun 2008 11:37:03 GMT

Jæja, sælar stúlkur...hérna, þar sem allir eru að flytja og dótarí vorum við Kjartan að spá hvort einhverjum langaði í sjónvarpsskáp eða hillu? Sjónvarpsskápurinn er bara í rúmfatalagernum en samt alveg fínn. Eitthvað svona beyki eða hvað þeir kalla það og með fínni hillu undir og til hliðar við. Svo er eins svona háglans IKEA hilla, nenni ekki að reyna að finna hana á síðunni. Hún 55x55 cm og kannski eitthvað svipað á hæð. Reyndar til undir hana hjól líka sem hækka hana. Bara láta vita ef þið viljið hirða þetta, annars fer þetta bara í Góða hirðinn.

Eilítið og fleira

Tue, 10 Jun 2008 15:28:12 GMT

Mig langar til þess að hefja þessa færslu á að óska Ásdísi og Kjartani til hamingju með nýju íbúðina sem mér skilst að þau hafi fengið afhenta nú í gær. Einnig vil ég bjóða fram aðstoð mína ef það vantar fleiri hendur til þess að bera kassa og annað slíkt.
Í öðrum dúrum þá vil ég lýsa ánægju minni yfir því að annar langfaranna okkar er komin heim heil og höldnu. Þá er bara að bíða eftir hinum og vona að hún hafi skemmt sér vel. Því er þó fjarri að heimsflakki hjá okkar fríða föruneyti sé þá lokið enda alltaf eitthvað nýtt (eða gamalt) og spennandi að sjá út í víðri veröld sem vert er að upplifa og skoða með berum augum. En ekki má gleyma heimahögunum sem ekki eru síðri hvað varðar fegurð og stórfengleik þó svo mannvirkin séu kannski ekkert á við það sem finnst í útlandinu.
Að lokum vil ég spyrja ykkur: Hvað þýðir eiginlega málshátturinn ,,að reka af sér slyðruorðið"?

Kær kveðja
Anna Andrea

jei gaman

Sat, 31 May 2008 18:35:11 GMT

Ég man ekki hvenær ég skrifaði síðast á þessa síðu svo mér fannst tími til kominn að setja inn eilítinn texta.

Flutningarnir að heiman er nánast það eina sem ég tala um þessa dagana og margir eflaust orðnir þreyttir á þessari umræðu, hahaha. Meira að segja afi minn glotti út í annað þegar ég sagði honum að við værum búin að festa kaup á sófa - þá var ég víst að segja honum það í annað skiptið! Við flytjum eftir 10 daga og ég er svona að byrja að setja dót í kassa. Fyrst hélt ég að ég við ættum ekkert dót og þyrftum eiginlega bara að flytja rúmið og setja föt í ferðatösku en núna er þetta búið að safnast saman. Ættingjar eru búnir að rífa fullt af drasli út úr skápunum hjá sér og láta okkur fá - svo er maður smá tregur að segja nei ef manni líkar ekki dótið svo já, þetta hefur safnast saman ;)

Ég byrja að vinna á mánudaginn í Hjartavernd. Og svo er það Interrailið 11. júlí!! Jeeeeeeeeeeeeeiiiiiiiiiiiiiiiiiii!

Allt að gerast!!!

Tue, 20 May 2008 23:23:35 GMT

Já ég sá að þetta var alveg að deyja hjá okkur þannig ég ákvað að blogga smávegis. Það er nú alveg slatti að frétta af mér, ég var að enda við að selja bílinn minn, þannig að nú eigum við Gummi bara einn bíl (rauðu eldinguna). Við ákváðum að selja drusluna því nú er Gummi komin í nýja vinnu og við erum að keyra í sömu áttina á morgnana. Hann er farinn að vinna hjá Vélar & skip sem er út á Granda...gera við e-r skip ábyggilega mjög skemmtilegt.

Er þetta ekki geðsjúkur bíll??? Fyrsti bíllinn minn...honum verður sárt saknað. En það er bara svo dýrt að reka bíl í dag, ég held að þetta borgi sig. En nú eru bara 5 dagar í ferðina til Mexíkó...ég er að deyja úr spenningi, ég get varla verið í vinnunni. En við förum á sunnudaginn næsta. Ég er komin með síðu þar sem ég ætla að setja inn ferðasögu og myndir, hún er http://mexico.svekk.net. Ég er ekki að herma eftir Lobbanum, ég var búin að gera þessa síðu áður en ég vissi að þau væru með síðu. En þau eru greinilega að livin‘ it up in France. En Hildur kemstu ekkert að netið í Brasilíu? Væri gaman að vita hvernig þið hafið það. Og er ekki Helga í París??? En anyways segið mér hvað er að frétta af ykkur. ;)

Frakkland

Thu, 15 May 2008 10:26:40 GMT

Jæja, þá fer maður til Frakklands bara eftir örfáa klukkutíma og þetta er svona allt að smella saman. Síðustu spjarirnar eru í þvottavélinni, búið að ganga frá flísalíminu og passarnir eru fundnir. Þetta er búið að vera hálfgert hlaup. Annar ætla ég nú ekkert að blogga en láta ykkur vita af síðunni www.kjarri.org en við ætlum að reyna að blogga svona eithvað aðeins um ferðina þar og kannski henda inn myndum og svoleiðis. Fer auðvitað bara eftir því hvort við komumst í net. En annars bara sjáumst við síðar!

Loka spretturinn!!!

Thu, 08 May 2008 09:23:57 GMT

Þá á ég bara tvo próf eftir, eitt sem ég fer í eftir fjóran og hálfan tíma! Ég er komin með ógeð á að læra, vil bara leika mér. Það eina sem kemur mér í gegnum þetta próftímabil er að fóturinn minn er búinn að vera nógu góður að ég er farin að æfa aftur! yippíí! Þannig ég er busy stelpa að mæta fimm sinnum í viku á sirkusæfingar. Ég er öll að styrkjast upp aftur og hætt að vera eins mikill aumingi. Ég þarf að vera komin í form því eftir tvær vikur kemur gestakennari í loftfimleikum frá Englandi. Það verður æðislegt því núna er ég sú sem kann mest í loftfimleikum í hópnum!

Ég hlakka mikið til prófloka. Ég er búin 14.maí og á meðan ég er í prófinu lendir vinkona mín frá Noregi á keflavíkurflugvelli. Hún verður á íslandi í viku og ég ætla að gera eitthvað skemmtilegt með henni. Systir mín ætlar svo að skíra dóttur sína heima hjá mér 18. maí (myndin er af litlu frænku minni í bleiku og barni vinkonu systur minnar :) ), þannig húsið verður undirlagt af stressuðu fólki að gera allt tilbúið. Hehe en ég ætla að flýja út á land!! Ég byrja svo að vinna 21.maí. Ég mun vinna hjá gæðaeftirliti hjá Vífilfelli, ég er bara nokkuð spennt.

Heyrðu Ásdís, vinkona systur minnar var að fá íbúð og hún var númer 21 á listanum. Möguleikarnir mínir verða alltaf betri og betri (er nr. 29). Bara ef 8 íbúðir losna er ég komin með íbúð!!! Það væri snilld að fá íbúð þarna í júní eins og þið, því systir mín og fjölskylda missir íbúðina sína 1. juní og ætla að fá að búa í herberginu mínu!

Jæja ætli ég ætti ekki að lesa yfir glósurnar mínar enn einu sinni. Hin gamla góða Örverufræði, gangi þér vel Lovísa!
Kveðja Helga

Vor, próf og bílaleigubílar

Mon, 21 Apr 2008 12:55:40 GMT

Væri ekki alveg "jette bra" að reyna að blogga aðeins oftar. Við erum alltof lélegar að hittast, sem er ef til vill skiljanlegt þegar allir halda í sitthvora áttina en við getum auðveldlega skipst á fréttum hér. Það er alltaf hægt að segja eitthvað. Ég ætla því að ríða á vaðið og færsla örlítið og hvet ég ykkur dömur til að gera slíkt hið sama, eins oft og þið getið.

Hjá mér er prófalærdómur kominn á fullt og stressið farið að síga á mig. Það er akkurat á stundum sem þessum sem maður sér eftir því að hafa ekki lært jafn óðum og verið búinn að glósa aðeins betur og annað í þeim dúr. Líklega verður maður þó bara að taka því og læra eins og mörður núna næsta mánuðinn. Svo er það alltaf svo æðislegt hvernig manni finnst eins og allir séu duglegri, fljótari, klárari og skipulagðari en maður sjálfur. Það er auðvitað bara vitleysa og maður reynir að hrista það af sér. Prófin hjá mér eru núna 29. apríl og svo 5., 8. og 14. maí.
          Ég fór í langan reiðtúr á laugardaginn. Ég reið úr Víðidal og yfir í Mosfellsdal. Það var alveg æðislegt. Veðrið var svo gott, stafalogn og 10°C og meira að segja sólarglenna. Ég tók meira að segja Kjartan með. Hann er orðin svo duglegur hestamaður að það er bara eins og hann hafi aldrei gert annað. Afi var líka að kaupa tvo nýja hesta auk þess sem ég er með fola úr Kjósinni sem ég er svona aðeins að byrja að vinna í. Það er alveg skelfilega leiðinlegt að þurfa að liggja í bókunum þegar mann langar svona mikið á bak. Tala nú ekki um núna þegar vorið er loksins komið og hlýtt og gott veður dag eftir dag. Ég er líka víst búin að eignast kálf. Ég ætla kannski að kíkja heim í sveitina í vikunni og þá skal ég taka mynd af snúllunni. Kettirnir mínir eru bara algjörar dúllur og gera ekkert annað en að leika sér og sofa. Hann var í svona "herraklippingu" á föstudaginn svo það fari nú ekki að koma óvart einhverjir sifjaspells kettlingar.
          Ég er búin að panta flug út til Þýskalands og svo heim frá París. Við erum búin að skoða á fullu hvað við viljum svo gera, leigja bíl eða taka lestir. Við vorum komin á það á tímabili að fara bara í interrail og það er svo sem ekkert alveg út úr myndinni. Mig langar samt svolítið meira að leigja bíl og keyra um sveitir annað hvort Þýskalands eða Frakklands. Vandamálið er hins vegar að það er alveg svakalega dýrt að leigja bíl sem þú ætlar svo að skila í öðru landi. Það munar meira en helming. Svo eru lestarferðir þarna yfir alls ekkert ódýrar, rúmlega 15.000 frá Frankfurt til Parísar fyrir einn með lest. Það er því alveg hugsanlegt að við breytum miðunum og fljúgum bara til annars landsins. Það kostar eitthvað pons að breyta fluginu. Hvort ætti maður að keyra um París eða Þýskaland. Örugglega bæði æðislegt. Kannski gaman að keyra um Suður-Frakkland. Komast aðeins í smá hita. Hvað finnst ykkur?
          Ég held ég hafi ekki meira að segja. Mér líst annars alveg rosalega vel á hitting í vikunni. Ágætt að líta aðeins upp úr bókunum (því ég er búin að vera svo rosalega dugleg eða þannig) og kíkja á pæjurnar. Annars er Kjartan búin að lofa því að moka öllum leigjendum, gestum og gangandi út úr Bogahlíðinni svona við tækifæri svo ég get haft stelpukvöld...jafnvel partí...hvernig líst ykkur á það? Það yrði væntanlega ekki fyrr en í byrjun júní en hey, það er bara fjör. Sumarteiti. En jæja, hætta þessu bulli og fara að læra. Ég skora á einhvern annan að færsla. Maður getur skrifað heilan helling þegar maður byrjar, sérstaklega þegar maður ætti að vera að læra!

Góðir tímar

Mon, 14 Apr 2008 00:10:25 GMT

Ég var að skoða gamalt blogg hjá okkur og ég rakst á þetta...mega fyndið.

Svömmebasinen written by elin and luise!
Sundgarparnir vilja koma sínum skoðunum á framfæri!!!!

Ég settist niður með frægustu og bestu sundskörungum á íslandi, þeim Audi, luise og ELLein.

Ég: hvað segið þið so í dag?

ELLein: vi har det jette bra.....

Luise: ja vi har lige været í svömmebasinen í Lagardalshöllinni, Hun er sá sær gúdt únd vi spracher midt dolfinerne.....

Audi: yeah, i really liked when we jump from the roof to the pool and made a HUGE mess.....Hey are you the dad around here!???

Ég: ha? ég? nei , ég er blaðamaður?

Luise: JA, fraulein, bitte shun, men du má tag det rolig, jeg fik vand i orene!!!(reið á svip og með rauð útsprungin eyru!!!)

ELLein: si claro, jeg elsker nár vi swömmer alle sammen. Jeg synes atmospeheret er sa jetta mikket, muy. træé bien.

Audi: YEH....Smoked dute

ELLein: vio má gá til at spise nu, en kylling með pmmes frites.....and yes, audi, IM THE DADAROUND HERE!!! MUHAHHAHAHHAHAHAHHA;: blóð, blóð', barsmíðar og læti, og meira blóð oj....ojjj bara , þið ættuð að skammast ykkar, ógðe....blóð

LUise: Sveitt!!!!

Jæja reynum að lífga síðuna við!

Sun, 06 Apr 2008 13:57:05 GMT

sælar verðiði stelpur!
Nú bíða allir spenntir eftir 12. apríl! Hvað mun gerast þá, hver veit....við ætlum allavega að reyna að hittast og djamma og djúsa...ekki satt!?! :lol:

Hmmm ég ætlaði að segja eitthvað fullt, djúsí og skemmtilegt en svo hef ég ekkert að segja.
soooooo
kv helga

Ásdís 22 ára í dag!!!!!!

Sat, 29 Mar 2008 14:32:13 GMT

Allir að syngja með. Hún á afmæli í dag, hún á afmæli í dag, hún á afmæli hún Ásdís, hún á afmæli í dag. Veiiiiiii klapp klapp

Til hamingju með daginn Ásdís. Njóttu dagsins þó þú sért að læra undir próf :(

Stutt og laggott

Fri, 21 Mar 2008 01:24:40 GMT

Gleðilega páska stelpur mínar. Ég vona að þið hafið allar skemmtileg plön um páskana og að það sé einhver hentugur tími fyrir hitting bráðum 8). Ég er búin að vera að baka svo mikið þessa dagana að það er aldrei að vita nema ég komi með köku :). Ég hefði sett inn mynd af einhverju páskalegu en ég ímynda mér að heimili ykkar flestra séu full af páskaskrauti þannig að það verður að duga.
Svo að lokum skemmtilegt lag til að byrja helgina:
http://www.this.is/drgunni/mp3/Leoncie%20-%20Politiskar%20leikbrudur.mp3

Aukapeningur

Thu, 13 Mar 2008 08:23:55 GMT

Vill einhver taka að sér stærðfræðikennslu einu sinni í viku? Vinna sér inn smá aukapening....Plís látið mig vita. Hvað er annars að frétta stelpur? Ekkert að gerast hérna. Það er alltaf einhver sem brýtur þessa annars fínu keðju. Skammskamm Ásdís. Allavegana þá er það að frétta af mér að á morgun á ég að skila 20 bls ritgerð um nýsköpunarstjórnin og á eftir pínu mikið. Það er eiginlega ekkert annað búið að komast að þennan mánuðinn allavegana. Og ég af öllum manneskjum er svo desperat að ég er að fara að skrópa í fjórföldum reikningsskilatíma. Í annað sinn á ævinni sem ég skrópa og það í sama tíma. Ótrúlegt en satt. Seinast þurfti sko að halda í hendina á mér svo ég ryki ekki af stað og mætti í tímann og kannski beila ég á seinustu stundu í dag og hleyp í tímann. Aldrei að vita. I'll keep you updated. Svo eru það bara heimadæmi á morgun og svo beint til Akureyrar að skíða með fjölskyldunni hans Steinars. Sjúbbsjúbbsjúbb. Og svo fer ég á Hótel Búðir með Steinari og minni fjölskyldu. Rosa gaman hjá mér. En eftir það langar mig ofsamikið að hitta ykkur.

Kósý, spila eða pottakvöld!

Thu, 06 Mar 2008 18:23:59 GMT

Er einhver stemming að koma til mín ( :) Helgu) á föstudaginn (þ.e. á morgun) í kósý, spila eða kannski bara pottapartý um svona 9 leitið !?

...eða eru allir að fara í vísó :( ?

kv. Helga Guu

Það er svo sem mest lítið að frétta...

Wed, 27 Feb 2008 00:22:44 GMT

Ég var í lokaprófi í Heimspekilegum forspjallsvísindum seinasta fimmtudag sem gekk bara ágætlega. Eftir prófið var svo farið beint heim að sofa þar sem ég átti að mæta á næturvakt um kvöldið. Núna er ég á seinustu nv. og fæ svo frí í heila tvo daga! Svo er það aftur nv. um helgina...

Ég er ekki bara búin að vera að vinna svona þegar ég pæli í því (maður er svo fljótur að gleyma). Ég fór á frumsýningu í leikhús á föstudaginn, nánar tiltekið í Tjarnarbíó á leikritið Nosferatu sem Herranótt setti upp. Litli stærri bróðir er meðal leikenda í því verki. Ég mæli með því að þið skellið ykkur, þetta var nefnilega meðal betri sýninga sem ég hef séð hjá Herranótt, ef ekki bara sú besta. Húmor og nóg af blóði (hún amma hefði verið hrifin af því).

Að lokum; kíkið á þetta video… það eru nokkur góð dansmúvs fyrir djammið ;): http://uk.youtube.com/watch?v=ntZT-AJmLBo
og svo smá djók :haha::
http://uk.youtube.com/watch?v=jn39M3bdzrg

Ég bíð ykkur þá góða nótt.